حلّت الفنانة سوسن بدر، ضيفة على برنامج "عندى سؤال"، الذي يقدمه الإعلامي محمد قيس على قناة المشهد، حيث تحدثت عن لحظات التفكير في الاعتزال خلال مشوارها الفني الطويل، مؤكدة أن ضغوط العمل والاستيقاظ المبكر للتصوير تجعلها تفكر أحيانًا في التوقف، لكنها تلتزم دائمًا باحترافها تجاه أي دور تقدمه.

وقالت سوسن بدر، إنها تفكر في الاعتزال في بعض اللحظات، موضحة: "كل لحظة بفكر في الاعتزال، كل ما التليفون يرن الصبح علشان أصحى أروح الأوردر الساعة 5 الصبح أفكر في الاعتزال، وبعدين أنزل أشتغل عادي جدًا وأحضر دوري".

وتابعت: "كلمة نجمة ليا أنا، مش عارفة ليه بفضل يتقال عني الفنانة أو الممثلة، لأني بحس إن دي مهنتي ممثلة، ومن خلال هذه المهنة أقدر أعمل حاجات مهمة للناس والفن والمجتمع وده أقرب الى قلبي، وأعتقد أن مهنة الفن وفيه للي يفهمها صح، ويارب أكون فهمتها صح".

وتابعت سوسن بدر: "أتمنى حياتي متبقاش متوقفة على كم اللمبات اللي منورة حواليا، ومتبقاش سعادتي متوقفة على كام مرة تليفوني بيرن علشان صحفي عايز مني خبر أو منتج بيكلمني في شغل أو معجب بيقولي قد إيه هو معجب بيا، لأن بعد شوية اللمبات دي هتطفي واحدة ورا التانية، والموبايل هيبطل يرن كتير كده، والناس اللي في الشارع بتتصور معايا هيقلوا، وأعتقد إني محضرة نفسي للمرحلة دي نفسيًا".

وأضافت: أنا سعيدة إني محضرة نفسي نفسيًا، وبطلب من ربنا إنه يديني القوة أفضل واقفة على رجلي لغاية آخر لحظة وأنا بشتغل، وأنا كل لحظة بفكر في الاعتزال وبعد كده بنزل أشتغل، وعمري ما رحت الاستوديو وأنا مش محضرة مهما كنت زهقانة.

وأضافت أنها طوال مشوارها الفنى لم تدخل موقع تصوير دون تحضير كامل، قائلة: "عمرى ما كنت مش محضرة دوري مهما كنت زهقانة".

وأكدت سوسن بدر أن الالتزام والانضباط المهني كانا سببا رئيسيًا في استمرارها ونجاحها، رغم الضغوط والإرهاق الذي يفرضه العمل الفني.

قد يهمك أيضــــــــــــــا

سوسن بدر تكشف عن المواصفات التي تبحث عنها في شريك حياتها

سوسن بدر تخوض دراما رمضان 2025 بـ 4 مسلسلات دفعة واحدة