أشاد الفنان تامر حسني بإنجازات الدكتور مجدي يعقوب التي كان أحدثها ابتكار صمامات قلب حية يمكن تتشكل من خلايا الجسم نفسه ويمكن زراعتها في جسم المريض، وذلك عبر حسابه على «انستجرام».
مجدي يعقوب يهب حياته لخدمة البشرية

وقال تامر حسني: «اللي ميعرفش.. أولاً وأنا طفل كان عندنا درس في العربي اسمُه مجدي يعقوب عشان كان أول طبيب في العالم يعمل عملية زرع قلب وكانت تقريبا سنة 1980، يعني الراجل ده أسطورة في عالم الطب من سنين كتيرة مش من دلوقتي.. وثانيا الرجل الملاك وهب كل حياته لخدمة البشرية عارفين يعني إيه كل حياته لحظة بلحظة لخدمة البشرية لخدمة ولادنا لخدمة الإنسانية لخدمة الطب وكل دكاترة المستقبل».
مجدي يعقوب أعظم رمز في العالم

وأضاف: «النهاردة دكتور مجدي يعقوب بيحقق كمان إعجاز طبي جديد بعد 45 عاما من أول إنجاز يعني بصراحة الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزة طبية مفيش ولا دكتور في العالم عملها إلا دكتورنا المصري العربي حاجة تشرف أوي حاجة عظيمة أوي الراجل ده لازم يبقى في شوارع و ميادين باسُمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي».

قد يهمك أيضــــاً:

تامر حسني يوجه رسالة تهنئة لـ هنا الزاهد "جميلة وقلبك جميل"

تامر حسني يتألق بحفله الأخير في موسم الرياض