القاهرة ـ المغرب اليوم
تحدث الفنان أحمد العوضي عن زوجته السابقة ياسمين عبد العزيز وتوقف أمام دعمها له في محنته المرضية رغم حدوث الطلاق، مؤكدا أن الانفصال الزوجي لا يعني أبدا نهاية قصة الحب بينهما، وأشار إلى أن حياتهما الزوجية مرت بحروب وأزمات وانتهت بطريقة تناسب مكانتهما عند الجمهور.
أضاف أحمد العوضي في الجزء الثاني من حواره ببرنامج "ع المسرح"، مع الإعلامية منى عبد الوهاب، أنا عشت مع ياسمين أحلى أيام حياتي، أنا مش قافل حياتي ومش بظلم نفسي أنا بقول الحقيقة، أنا عشت معها أيام فيها حب نجاح وأزمات وحروب ومرض، كنت جنبها وهي كانت جنبي أنا لما تعبت بعد ما أطلقنا هي اللي جات ووقفت معايا.. هو في حد بيعمل كده.
وتابع أحمد العوضي: ياسمين أهم نجمة فى الوطن العربى، وعندى فى حياتى حاجة كبيرة جدا، وأنا تأثرت نفسيا بسبب الانفصال وماتكسفش أقول كدة، وعشت معاها قصة حب كبيرة وعلشان كدة وصلت للناس بالعمق ده، والناس حست ده، ومحدش يقدر يضحك على الناس، وهى ستظل الأهم فى حياتى".
وأكد أحمد العوضى، أنه لم يقصر فى حق ياسمين عبد العزيز ولا هى لم تقصر فى حقه، قائلا: "محدش فينا قصر فى حق التانى، أو كان وحش مع التانى، واللى حصل قضاء وقدر، وحبى لها حسيته من جوايا، وبقول الحقيقة، وده ميقللش من حد دخل فى حياتى".
وأضاف العوضى، أن ياسمين عبدالعزيز جدعة وستظل بالنسبة لى حاجة كبيرة فى حياتى، وحبى لها لم ينته، وانتهاء الزواج ده أقدار".
وتابع، العوضي، "انفصلنا على قد احترام الناس لينا واحترامنا للناس، علشان لما الناس تشوف منك الحاجة الحلوة والسعادة بتبقى قدوة وانك بتصدر طاقة حلوة".
يذكر أن أحمد العوضي، أكد في الجزء الأول من الحوار أن زوجته السابقة النجمة ياسمين عبد العزيز، كانت وستظل الحب الحقيقي والوحيد في حياته، وأشار إلى أنه لن يعيش في أيامه القادمة لحظات حب صادقة مثل حياته مع ياسمين عبد العزيز، وقال إن هذا موقفه الآن وغدا ولن يتراجع عنه أبدا.
وتحدث أحمد العوضي عن طليقته النجمة ياسمين عبد العزيز، قائلا: أصدق حب في حياتي كان ياسمين عبد العزيز وهي الحب الحقيقي والوحيد في حياتي، لأني عيشت معاها أيام ومواقف ومراحل، وهفضل أقول كده على طول لأني مش هعيش اللي عيشته مع ياسمين تاني، أنا بقول كلام ممكن يتاخد عليا بعد كده ولكن دي الحقيقة.
وأكد العوضي، أن حب الرجل للمرأة ليس بضعف، قائلًا: مين قال إن حب الراجل للست ضعف؟ أنت ممكن تبقى ضعيف قدام اللي بتحبها من حبك ليها، أنا ممكن أحسسها بحبي ليها برجولة.
وتابع: أنا مش بطبعي رومانسي.. وبحب الرومانسية تبقى ناشفة ومش بحب الرومانسية اللي فيها تلزيق بتضايقني، وأنا بني ادم ليا كسري وضعفي.. بس مبحبش أبين إني موجوع لحد أو متضايق وبلبس قناع القوي حتى لو فيا حتة موجوعة.
وقال أحمد العوضي: الطموح عنوان حياتي طفولتي وتربيتي وعلاقتي بأسرتي وأصدقائي كانوا مخزون عندى قدرت أكبر بيه وانعكس عليا في مشواري الفني، والطموح هو عنوان حياتي طفولتي وتربيتي وعلاقتي بأسرتي وأصدقائي كانوا مخزون عندي قدرت أكبر بيه وانعكس عليا في مشواري الفني.
قد يهمك أيضــــــــــــــــًا :