فاجأت الإعلامية ريهام سعيد، جمهورها بقرار عودتها إلى الإعلام مرة أخرى، بعدما كانت قد أعلنت اعتزالها منذ قرابة العام ريهام سعيد كتبت عبر منشوراً لها في حسابها الرسمي على فيسبوك: «بعد تفكير عميق وبعد مرور سنة كاملة من قرار الاعتزال، أعلن عودتي للإعلام بإذن الله، وما توفيقي إلا بالله أرجو الدعاء» هذا وكانت الفنانة والإعلامية ريهام سعيد، قد أعلنت في وقتٍ سابق من العام الماضي، اعتزال الإعلام كمقدمة برامج، وعللت الأمر بأن لديها رغبة في التركيز بشكل أكثر في عملها بالفن كممثلة.

وتابعت ريهام سعيد في منشور عبر حسابها الرسمي على إنستجرام حينها: «فكرت كتير قبل ما أكتب البوست ده. أنا اعتزلت التمثيل سنة ٢٠١٥ لأني حسيت إن صاحب بالين كداب وإن التمثيل مأثر على مسيرة الخير اللى ابتديتها من سنين طويلة عشان الوقت والمجهود إللى بعمله، لكن عشقي للتمثيل اللى هو دراستي ومهنتي الأولي قبل الإعلام رجعت أمثل تاني وأنا لسه في نظر المخرجين والمنتجين مذيعة عايزة تمثل» واستكملت في المنشور ذاته: «كنت عارفة إن عشان آخد مكان كممثلة لازم أسيب الإعلام زي- مع حفظ الألقاب- داليا البحيري وبسمة ودينًا فؤاد ودينا الشربيني وغيرهم بس مكنتش قادرة أسيب رسالتي اللى كانت مهمة أوي وقتها».

وتحدثت ريهام سعيد عن أزماتها: «أنا حصل لي مشاكل كتير من المهنة دي بتأثير باطل من السوشال ميديا من منافسين وأعداء، بسبب المشاهدة العالية جدا والنجاح، أنا تعبت وحسه إني قدمت كل اللى ممكن يتقدم والدولة عامله اللى عليها ومش محتاجين دور المجتمع المدني في مساعدة الناس، ولكن أنا ليا الشرف إني اشتغلت في المهنة العظيمة دي اللى ليها رسالة سامية وعظيمة وليا الشرف إني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح وما تغيرش ولا دقيقة».

وأعلنت اعتزالها الإعلام وقتها قائلة: «أنا بكل أسف بعلن اعتزالي الإعلام تماما وهاركز كممثلة وهاطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة. ورسالة للأستاذة كاملة أبوذكري ومش مكسوفة، نفسي أوي أمثل معاكي حتى لو مشهد ده من أحلامي. خطوة صعبة وفيها ريسك كبير بس على الأقل أجري ورا حلمي حتى وأنا في السن ده. جه الوقت إني أستمتع باللي بعمله وبحبه، خصوصا لما يكون في عصر ولا في وسطة ولا محسوبية إلى هايجتهد هايوصل. ماتسيبوش حلمكم مهما فات الوقت».

قد يهمك أيضــــــــــــــــًا :

ريهام سعيد تكشف عن حالتها الصحية بعد إصابتها بكورونا

ريهام سعيد تفاجئ جمهورها وتتخذ قرارا حاسما بشأن حياتها المهنية