كشف الفنان طارق صبري حقيقة انفصاله عن الفنانة شيري عادل، بعد تداول شائعات تزعم انفصالهما خلال الساعات الماضية، خاصة مع حذف شيري الصور التي جمعتهما على حسابها بـ إنستجرام.

وقال طارق صبري لأ طبعًا الكلام ده مش حقيقي، وأكيد الصور اتشالت بسبب مشكلة في الأكونت عندها، والله يهدي اللي بيطلع شائعات.

وتفاجأ المتابعون بحذف شيري عادل جميع الصور التي كانت تجمعها بزوجها طارق صبري من على حسابها بموقع إنستجرام، ولكنها ما زالت تستمر في متابعته.

شيري عادل تتحدث عن زواجها من طارق صبري 
وفي وقت سابق، تحدثت شيري عادل عن زواجها من الفنان طارق صبري، مؤكدةً أنه زوج داعم ومشجع، وقالت خلال لقائها مع القاهرة 24: ممكن اتنين متجوزين يكونوا في نفس المجال، بس مش بيشجعوا بعض، بس طارق بيشجعني جدا وبيساعدني، وواقف في ضهري جدا وعايزني أبقى أحسن، وهو دايما مهتم إنه يشوفني أحسن، وبيدفعني لقدام، ويفضل يقنعني بالشغل لأني مترددة جدا في قبول أي عمل وهو بيقولي قدمي للناس أعمال. 

وأكدت شيري عادل أنها سعدت بمباركات الجمهور لها بعد زواجها من طارق صبري، قائلة: مباركات الجمهور ليا على السوشيال ميديا كانت أحلى حاجة حصلت لي، واعتبرت إن فرحتي جت من تعليقاتهم، إحنا معملناش احتفال أو فرح، فـ فرحتي كملت بتعليقاتهم، وعمري ماهنسى ده؛ لأن تأثيره عليا كان حلو جدًا.

أحدث أعمال شيري عادل
على جانب آخر، تشارك الفنانة شيري عادل، في فيلم أصل الحكاية، وانتهت وأبطاله مؤخرًا من تصويره، وتشارك فيه مع خالد الصاوي، بيومي فؤاد، محمود حافظ، محمد محمود، إيمان السيد، كريم عفيفي، عابد عناني، محمد ثروت، وآخرين، ومن تأليف وإخراج محمد أمين.

 قـــد يهمــــــــك أيضــــــاُ : 

شيري عادل تدخل منافسات أفلام صيف 2023 بـ"لف وارجع تاني"

شيري عادل تكشف صعوبات تصوير مسلسل "ألف ليلة وليلة"