روى الفنان محمد رمضان خلال لقائه في برنامج "المتاهة" تفاصيل خلافه مع الفنان الكبير علي الحجار :"انا جيت عالهوا معملتش بروفات لمسرحية "يمامة بيضا" روحت قابلت الأستاذ علي الحجار أول يوم، قعدت بأجندة كده في أول صف و كتبت الإفيهات اللي في مناطق لو دخلت فيها هعمل ضحك، بس كل اللي في المسرحية عارفين إن انا هطلع على المسرح، طلعت في الدخلة الأولى لقيت رد فعل عظيم جدًا، المخرج انتظرني بره و كان فخور بيا و قاللي رفعت راسي و دخلت دخلة تانية و بعدين جت الإستراحة، دخل سمو الأمير بالحاشية بتاعته و الممثلين كلهم وقفوا صف واحد انا كأصغر دور في الرواية قلت انا مش لازم أبقى موجود كنت بلبس لبس الدخلة اللي بعدها، فهو قال للمخرج  عايزين الممثل الأسمر اللي طلع في الفصل الأول جم نادوني فقالولي سلم على سمو الأمير قولتله ازيك يا استاذ امير فالناس كلها ضحكت فاكر اسمه امير طَلع قلم كده ادهالولي هدية و الراجل اللي شغال معاه قاللي القلم ده من سمو الأمير و فيه 30 فص ألماس حر".

اضاف رمضان "حطيت القلم في شنطتها و سبتها في الكواليس تركيزي كله كان في الدخلة اللي جاية تكون أقوى من الدخلة الأولى، لقيت خناقة داخل غرفة علي الحجار، جيه مساعد المخرج قاللي انت لو جدع امشي علطول قولتله ليه قاللي في مشكلة بسببك، دخلت بقولهم في ايه يا جماعة فجمال بخيت الشاعر قاللي محمد انا اللي كاتب الرواية و الكلام اللي انت بتقوله مش موجود في الرواية و وحياة بناتي مت من الضحك و انا بتفرج عليك و انت تستاهل رواية كاملة لوحدك بس عشان استاذ علي الحجار دلوقتي بيقول يا انت يا هو في الرواية انت ده يرضيك ، قولتله لا انا امشي، المخرج قال على جثتي إن هو يمشي قلت انا عبد المأمور و المخرج في الآخر هو اللي بسمع كلامه و انا اسف يا استاذ علي انا هكمل انهاردة و وعد مني بكرة مش هطلع تاني ...المخرج أصر على وجودي دخلت الكواليس آخر مرة شفت فيها علي الحجار كان لابس بدلة انا ميعاد دخلتي جه بصللي بصة كده مبتسم، انا المفروض هو بيخرج انا بدخل، جاي أدخل محستش بنفسي غير و خمسة ماسكني منهم الماكيير بتاعه، مسكوني كأني ارهابي داخل يفجر المكان، لقيت نفسي في الأرض ".

يعرض برنامج "المتاهة" على قناة "MBC"و قناة "MBCمصر".