قررت الفنانة المصرية مي كساب إغلاق جميع حساباتها الشخصية على مواقع التواصل الاجتماعي المختلفة، وذلك بسبب بعض التعليقات التي تعرضت لها مؤخراً من بعض الأشخاص، حيث عاشت حالة من التوتر الشديد.
وتجدر الإشارة إلى أن أحد الأشخاص كان قد قام بتركيب صور غير لائقة لمي كساب، حيث كتبت الفنانة المصرية بعد نشر الصورة عبر صفحتها الرسمية على موقع التواصل الاجتماعي 'فيسبوك' قائلة: 'أنا قررت أقفل أي أكونت ليا على 'السوشيال ميديا'، لأن إحنا شعوب ما بتحترمش بعض ولا عندنا آدمية ولا إنسانية ولا أخلاق، فعلا مسلمين بلا إسلام، وكل واحد عامل نفسه قاضي، ومش فاهمين ولا بنقدر يعني إيه فنان ولا يعني إيه احترام'.

وحسبما ذكر موقع 'جولولي'، فقد تابعت مي حديثها مؤكدة أنها لا تجد مبرراً لهذا الأفعال قائلة: 'كل واحد فاكر لما يكتب 'كومنت' كده بقى بني آدم وليه شخصية ورأي، بجد زهقت من كتر ما بمسح كلام عقيم ومريض، مش بالاقي مبرر أصلا، إنت مش بتحب فنان داخل تعمل له 'فولو' ليه، عشان تطلع أمراضك عليه؟'.

وأوضحت كساب أنها لن تسطيع أن تصلح الكون وما يحتويه من شخصيات مريضة قائلة: 'أنا تعبت بجد من الأشكال المريضة دي، بحس أنا عايشة في مجتمع مريض مجتمع معوق، “بكابورت” وطفح في وشنا.. وأنا مش هصلح الكون ومش بعرف أكون حد بارد.. في نهاية كلامي، في قلة محترمين آدميين حبيتهم جدا من خلال كلامهم الرقيق اللي كان بيأثر فيا جداً.. ودول إللي هيوحشوني بس وعاوزاهم يسامحوني، إحنا مش في المدينة الفاضلة'.