المقادير

بصلة - 1 طماطم - نص فلفلة كبيرة - نص جزرة كبيرة - نص ليمونه كبيرة = ليمونة صغيرة - بقدونس مفروم – زعتر – بهارات - فلفل اسمر و ملح - معلقتين زيت
 

الطريقة:

يضرب الخضار كله ماعدا البقدونس فى الكبة أو فى مفرمة البصل أو يبشر ناعم جدا وحتى الطماطم والجزر تبشر ناعم جدا ونضيف البهارات ونقلبهم كويس ثم نضع البقدونس ونقلب التتبيلة جيدا ثم نضع شرايح اللحمة ,ونقلبها كويس فى التتبيلة وتترك طول الليل فى التلاجة او على الاقل 4 ساعات

مقادير تســوية الشرايح

2كوب مياه  - 1 كوب لبن - ملح و فلفل اسمر - 3 فصوص ثوم - ورق لورا وحبهان - قرفة خشب - 3 ملاعق دقيق - معلقة صغيرة جنزبيل - معلقتين خل
 

الطريقة :  
تضرب كل المكونات فى الخلاط

نقوم بتسخين ملعقتين كبيرتين من السمن ونضع فصين مستكة إلي ان  تسيح ونرفع  اللحمة من التتبيلة وتاخذ صدمة فى السمنة الساخنه وعندما تاخد لون نرفعها من السمنة ونرفع الصينية من النار ثم نضع خليط اللبن والدقيق على الشرايح ونضع الصينية على البوتاجاز الي ان تغلى وناخد الصينية بعد لما الصوص غلى شوية على النار ونغلفها بفويل وندخلها فرن سخن جدا لمده ساعة بالظبط وممكن ساعة وربع حسب مابتحبى سوا اللحمة