المقادير
100 x جرام دهن ضانى (ليّه مقطعة قطع صغيرة)
6 x عدد طماطم (حمراء كبيرة مقطعة مكعبات)
4 x معلقة كبيرة زيت ذرة
2 x عدد بصلة (كبيرة مقطعة مكعبات)
2 x عدد قرن فلفل حامى (مقطع شرائح)
1 x كيلو لحمة ضانى (قطع كبيرة)
1 x معلقة كبيرة فلفل اسود مطحون
1 x معلقة كبيرة صلصة طماطم
1 x عدد ليمونة (معصورة)
1 x معلقة كبيرة ملح
½ x كيلو مكرونة سباجتى
الخطوات
فى حلة كبيرة على النار هنضيف الزيت والدهن الضانى ونقلبهم كويس لمدة 3 دقائق.
هنضيف قطع اللحمة ونقلب كويس لمدة 5 دقائق.
هنضيف البصل ونقلب كويس لحد ما يحمر.
هنضيف شرائح الفلفل الحامى ونقلب كويس.
هنضيف مكعبات الطماطم ونقلب كويس لحد ما تغلى ونسيبها 3 دقائق.
هنضيف الملح والفلفل ونملى نصف الحلة بالماء ونغطى عليها ونسيبها تغلى نصف ساعة.
هنغرس سكينة فى اللحمة لو دخلت بسهولة يبقى اللحمة استوت, لو لسه هنسيبها كمان 10 دقائق ونزود ماء لو المية خلصت.
بعد ما اللحمة تستوى هنزود لتر ماء ونضيف عصير الليمونة.
أول ما المية تغلى تانى هنكسر المكرونة 4 أجزاء ونضيفها فى الحلة.
هنوطى النار ونحط صفيحة تحت الحلة ونسيبها نصف ساعة بس هنقلبها من وقت للتانى.
هنغرف المكرونة فى طبق كبير وهنشيل منها اللحمة ونحطها على الوش وبالهنا والشفا.