جيفري ليّ لـ"المغرب اليوم":حصلت على المرتبة الأولى عربيًا للمتمتعين بـ"بي آر آي"

عبّر مُقدم البرامج اللبناني جيفري لي، عن سعادته للغاية بفوزه بالمرتبة الـ30 عالميًا والأولى عربياً، لحسابات الأشخاص المتمتعين بصفة "bre" للعلاقات الاجتماعيّة من خلال قائمة الاستفتاء التي أجريت في الولايات المتحدة.
 وأوضح جيفيري، لـ"المغرب اليوم"، "تلقيت الخبر من الموقع ذاته يلي عمل الاستفتاء USA Public Relation من تغريدة تهنئة، بعتولي إياها على تويتر، حيث فرحت وانبسطت وكبرت فرحتي بش شفت النتائج العالميّة وطلعت أنا بالمرتبة التلاتين، وقناة السي إن إن بالمرتبة التسعة والعشرين، وأوّل من بعتلي رسالة تهنئة هو صديقي الإعلامي محمّد قيس، وصراحة كتير من زملائي الإعلاميين من الدول العربية مع حفظ الألقاب يلّي بوجهلن تحيي عبر موقعكن".
 وتابع "لم تحدث هُناك ضجّة بلبنان كونو منو معروف بالدول العربية لأنو أجنبي وبيتمتع بدرجات تصنيف صعبة كتير، وأنا كنت مفكر إنو من المستحيل حدا يربح في مع العلم إنو عدّة شخصيات عربية وصلت للـ توب 100، بس أنا تفوقت بالمرتبة الأولى. بس كون الصحافة داعمتني تم نشر هيدا الخبر".
 وبشأن بدايته في العمل كمقدم للبرامج، فأكّد "بدايتي صدفة وشغلة حبيتا وانغرمت فيا، وصرت أسعى شوي شوي تابرز صورتي قدّام الشاشة والإعلام وتويتر، موقع مهم كان لي وبالأحرى كان الأساس لأنو من خلاله كنت نوضر على كل وابني البنيا التحتيّة لإلي".
 وأوضح أنه هو من أسس نفسه وعمل عليها دون أي مساعدة من الآخرين، موضحًا "بدأت من نقطة أقل من الصفر لأنو هيدا الفكرة ما كانت واردة إلي من قبل، وخاصة إنو أنا ربيت بمحيط رافض لهيدا الفكرة، ومحدا دعمني ولو بنكعة صغيرة بعكس الدعم يلّي إجاني من الإعلاميين هوني بالبلد، وكانوا دايمًا يقولولي يلّا شد الهمة وعفاك مثل رجا ناصرالدين ورودولف هلال هودي بعزن كتير كونن عرفوني على اشيا مبعرفا وأسرة الجرس كلها مع حفظ الألقاب والست نضال الأحمديّة يلّي بعزها وهي كأنّها أمي واكتر".
 وبشأن ما إذا كان غير معروف على مستوى العالم العربي وأنّ شهرته فقط على مستوى لبنان، لفت "ما بظن هيدا الشي، هلق الكل بتهمو الشهرة وطبعًا شغلة مهمة بس أنا مبلّش جديد بلبنان وعم خوص بالتجربة وبلتقي بكتير ناس أنا ما بعرفا بس هيي بتعرفني ومتابعة أخباري فأكيد بنبسط أكيد ما بنفيلك إنو متل في ناس بتردلي الخير بتردلي الشر، وأنا آخر همي العالم وإذا الواحد ما عرف يحب حالو ما بيعرف يحب حدن، وأنا معندي شي مخبا، الكل ببعرفني قديش أنا إنسان طبيعي ومفيني أحكم على حالي شو ميني أنا العالم بتحكم وبتقرر هلق مني عم اللك إنو تقديم البرامج شغلة هيني وما بتجي عل هيني لأنو أنت وعم تقدم بدك تفهم إنو أنت عم تقتحم بيت المشاهد وتفوت لعندو، فأكيد لازم تحترم هل إيطار وكلبنان أنا معروف لأنو بلشت هوني".
 وبشأن عروض تقديم البرامج التي جاءته من مصر، أوضح "مصر أم الدنيا ويلي ما بيعرف مصر ما بيعرف شي، عروض على مصر إجاني برنامج تقديم برنامج ألعاب ترفيهي للدول العربيّة ووافقت عليه ورجعت لغيته لعدة أسباب صارت معي ومش بالبرنامج بس الأيام جاي وقريباً سوف أتى إلى مصر".
وأخيرًا تحدث جيفير عن الجديد الذي سيقوم بالتحضير له خلال الفترة المُقبلة، مشيرًا "هُناك عرض قُدم لي من أميركا وأنا بعد أسبوع سأكون بلاس فيغاس لتصوير حلقتين من فيلم CSI كضيف شرف، بالإضافة لإحيائي العديد من المؤتمرات في قطاع الاتصالات والتكنولوجيا وافتتاحيّة شي ضخم وبرجع على هوليوود بس ما لح خبركن شوفي بي هوليوود مخلاها مفاجئة للمرة الجاي بكون محملكن شي خلو معي، أنا بشكركن كتير وبشكر الفانز لأنو هني دايماً حدي شو مكان وأنا بنبسط أقرأ بس تغريداتم إلي لأنو هيدا أغلى شي عندي".