طرق لرفع المعنويات بعد علاقة فاشلة

من اصعب المواقف اللى بتمر بيكى .. إنك تشوفى واحده صاحبتك بتحبيها .. خارجه من علاقه فاشله و زعلانه .. بيبقى نفسك تعمليلها أى حاجه بس مفيش أى حاجه فى ايديك … اعرفى بقى ايه اهم 5 حاجات ممكن فعلاً تريحيها بيهم

1. شوفى مزاجها عامل ازاى لو محطمه و مكتئبه جامد .. متجبيش سيرته .. ولا تشتمى فيه .. طبطبى عليها .. و اعزميها على ايس كريم او شوكلاته لو متعصبه حاولى تعملوا نشاط بتحبوه انتوا الاتنين يطلع الطاقه اللى فيها … رقص شرقى .. انزلوا اتمشوا .. كده 2.امنعيها تعمل اى حاجه تسئ لشكلها زى ان هى تكلمه او تكلم حد من صحابه .. او متهتمش بنفسها .. او تتصرف باسلوب وحش مع حد 3.اشغلى بالها خططى لحاجه هى بتحبها او كان نفسها تعملها … و قوليلها يللا بينا … كده هتخليها تفكر فى اى حاجه تانيه و تنسى شويه 4.متعمليش حاجه ساعات بيبقى الواحد محتاج انه يقعد لوحده يعيد تفكيره … سيبيها تعيش اللحظه دى .. و وقت ما تحسى انها بدأت تهدا … اظهرى تانى 5.عززى ثقتها بنفسها بلاش الجمل التقليديه زى هتلاقى سيد سيده و هو الخسران .. عشان ملهمش معنى اصلاً .. حاولى تقوليلها جمل تشجيعيه اكتر .. زى انت قويه .. او برافو عليكى .. او .. او … قولى الجمل الايجابيه فى حقها مش السلبيه فى حقه