صديق قاتل والديْه يكشف تفاصيل مرعبة عن مذبحة البحيرة

كشف صديق قاتل والديه تفاصيل مرعبة عن مذبحة البحيرة في منطقة التمليك بكفر الدوار، بالإضافة إلى معلومات عن حياة الشاب المشار إليه عقب انتشار خبر الجريمة وآثار غضبهم عند تداول أخبار أن الجاني كان متعاطي مخدرات.

صديق قاتل والديه يكشف تفاصيل مذبحة البحيرة
وأعرب أحمد الجمل عن غضبه من خلال مواقع التواصل الاجتماعي "فيسبوك"، قائلا: "عبده السقا أرجل واحد كان ممكن تعرفه في حياتك واحد من اللي همّ تقابلهم مرة في العمر برغم أنه كان أصغر واحد فينا بس تخيل كلنا كنا بنروحله بمشاكلنا ونترمي فى حضنه تقدر تطلع كل اللي جواك وأنت عارف إنه في بير وعارف إن آخر كلامك مش هتلاقي كلمة معلش هتلاقي راجل بيشدك من إيدك بيقولك على حل بيقويك كنت أبصله وهو أقصر مني كده ويطلع منه الفطنة والوعي".

وأشار إلى أن "عند حدوث خلاف بينه وبين والده كان يتوجه إلى بيت الجاني للعيش معهم"، لافتا: "أنا عشت معاهم كتير نمت في بيته كلت معاهم عشت معاهم زي ما عشت مع أهلي هي دي العيلة اللي أي حد يتمناها هو ده الآخ السند اللي بجد يمكن اللي مايعرفهوش مايفهمش بس كل صحابه عارفين قد إيه الناس دي طيبة أوي".

بداية مذبحة البحيرة
وأكد أحمد أن سبب مرض الجاني وفاة شقيقه الأكبر قائلا: "أزمة عبده بدأت بعد موت أخوه لأنه كان متعلق بيه هو كان محترم أخوتنا كلنا موته إثر فينا كلنا والانا كلنا الله فعلا كان ابن موت بجد قطعت بينا كلنا واكترنا كان عبده بس محدش كبير على الموت".

وأفاد بأن صدمة الجاني على وفاة شقيقة استمرت شهور بعد ذلك عاد الأمر لوضعه الطبيعي، بدأ الجاني يعود إلى حياته الطبيعية ويلتزم في الدارسة، مشيرا: "عبده كانت متميز أخلاقيا ودراسيا كل اللي يعرفه يشهد بذلك كان دايما يقول إنه هسقط وكان لما النتيجة تطلع كان بيكون من الأوائل كنا دايما نقول "ليه إنت ابن أفضل مدرس عاوز ماتكونش من الأوائل إزاي".

وأوضح أن المشكلة بدأت بالفعل من آخر الصف الثانوي بسبب موقف حدث معه غير حياته كله وبدأ الجاني يشاهد أشياء غريبة تظهر لا أحد غيره، بدأ يذهب لأماكن غريبة في أوقات غريبة دون أسباب، لافتا: "بدأ يستنجد بينا حكى ماحدش صدق حاول يتعالج عند دكاترة كتير بس مافيش فايدة ماوصلش لأي نتيجة بدأت تصرفاته تتغير أكتر بقى عصبي مابقاش يتعرف علينا، حتى مرة وقفته أسلم عليه ماكانش عارفني، عبده اتحول لشخص تاني مابينزلش من البيت ساب الدراسة اتحول لشخص مجهول كل محاولتنا معاه فشلت والكل بدأ يتجنبه وقلنا فترة تعب ويرجع زي الأول".

السبب الخفي وراء مذبحة البحيرة 
وتابع الجمل "بعد فترة بدأ الجاني يلتزم في الصلاة والتقرب إلى الله والجلوس بصفة دايمة في المسجد وبدأ في حفظ القرآن والسنة النبوية، موضحا: "كان تقريبا بيحاول يعالج نفسه بالقرآن بعد فشل كل الدكاترة معاه بس نظرات الناس كانت سبب من ضمن الأسباب إن حالته تسوء بعد شعوره إن الناس بتتعامل معاه أنه مريض نفسي، في يوم حكي لي إنه بيشوف والدته بطريقة مخيفة وبتتحول قدامه حاجات بتحركه عشان يأزيها وأنها مش أمه حاجات بقالها 3 سنين بتحاول تسيطر على مخه تخليه يعمل حاجات غلط على أساس أنها الصح، وبعد فشل عبده في الدراسة وبدأ يشتغل في أماكن بعيده بقى عاوز يكون لوحدة بعيد عن أي حد حاول يشرح بقى كله يبصله ده مجنون ده بيتعاطى زي ما كل الناس ما قالت"، مؤكدا أن الجاني لم يتعاطَ مواد مخدرة لكن كان يعاني من أزمة نفسية شديدة. 

بدأت الواقعة عندما تلقى اللواء علاء الدين عبدالفتاح مدير أمن البحيرة، إخطارا من قسم شرطة كفر الدوار يفيد بعثور الجيران على جثتين "أحمد ا" مدرس ثانوي وزوجته "ليلى" في منطقة التمليك بكفر الدوار.

تم تشكيل فريق بحث وتبين أن وراء الحادث "عبدالرحمن ا ا" نجلهما مريض نفسيا قام بذبحهما بسبب معاملتهما السيئة له وفر هاربا وجار البحث وتعاين النيابة العامة مكان الحادث وجار تحرير محضر بالواقعة.