سمية الخشاب تطالب بتعديل عقوبات قانون الطفل

كتبت الفنانة سمية الخشاب عبر حسابها الرسمي في منصة "X"، تغريدة طالبت فيها بتعديل قانون عقوبة الطفل في قضايا الاعتداء الجنسي، بعد تصدّر قضية الطفلة أيسل ضحية هذا النوع من القضايا، بعد سنوات من وفاة الطفلة زينة أيضاً بالطريقة نفسها.

ونشرت سمية صوراً لأطراف القضية، وعلّقت عليها قائلةً: "سبحان الله، دول لا يحاسبوا محاسبة الأطفال لأن الطفل مبيبقاش طفل لما يتعلّم الاعتداء الجنسي بيتحول أوتوماتيكيلي لوحش فلازم يتعدم".

وتابعت: "اللي يضحّك بقى إن اللي فوق أخد 15 سنة بس عشان هو تحت السنّ طفل، وزمانه طلع دلوقتي بينما البنت تم الاعتداء عليها وقتلها ده مش عدل، لازم مصيره زي مصيرها أو يعامل معاملة البالغين مش الأطفال".

وأضافت الخشاب مهددةً: "أنا مش هسكت على الموضوع ده لإني أنا ضد الاعتداء الوحشي الإجرامي اللي بيستخدمه البيدوفيليين المقرفين اللي كلهم عقد ومشاكل".

واختتمت تغريدتها بالقول: "اللي تحت إعدام أو تأبيدة على الأقل دول مش أطفال... إعدام، إزاي ده طفل ده فاهم كل حاجة وعارف إزاي الاعتداء الجنسي كويس... إعدام أو تأبيدة على الأقل كل شبابه يضيع".

سمية الخشاب تتعرّض للهجوم بسبب رأيها في سيدات الريف
كانت سمية الخشاب قد واجهت حملة هجوم واسعة من بعض النشطاء على مواقع التواصل الاجتماعي، بعد سلسلة من التغريدات التي نشرتها عبر حسابها الرسمي في منصة "X"، تناولت فيها انتشار الخرافات والممارسات المرتبطة بالسحر والحسد في بعض المناطق الريفية، فيما اتّسمت تغريدة أخرى بطابع ساخر يتعلق بمشكلات المتابعين.

وكتبت الخشاب في إحدى تغريداتها: "بسمع عن أغرب الحاجات في الأرياف الناس دي شریرة أوي"، وأضافت: "السحر والبص على الغير واللي تخلّف ولد يسحرولها ابنها واللي يشتري حاجة يدعوا تروح منه، أنا آسفة بس أنا بكره النقاش مع الفئه دي".

وتفاعل عدد كبير من متابعي سمية الخشاب مع تغريدتها لتواجه سيلاً من الهجوم والانتقادات، حيث علّق أحد متابعيها قائلاً: "لما تنزلي عندنا ابقي استري نفسك ومحدّش هيعمل فيكي حاجة تاني هما بهدلوكي أوي في الأرياف ولا إيه؟"، فيما علّق آخر قائلاً: "قبل ما تتكلمي عن الأرياف، شوفي إيه الحاجات اللي أنتي نفسك قدّمتيها وخلّت الناس أصلاً تبطّل تاخد كلامك بأي قيمة، أنا ابن أرياف وبقولك مفيش عندنا لا سحر ولا حقد بالشكل اللي بتقولي عليه. واللي بتسميه كده لو بيحصل بيحصل في أي بلد في الدنيا. عيب تعيبي في ناس كتير كدا لمجرد إنك جاهلة".

  قد يهمك أيضــــــــــــــا

سمية الخشاب تكشف حقيقة زواجها وطريقة تعاملها مع الانتقادات

سمية الخشاب تكشف تأثير تجربتها الأولى في الدراما الخليجية خلال مسلسل "أم 44"