هالة صدقي تكشف سر إعجابها بالمخرج محمد سامي وسبب ابتعادها عن الناس

حلّت الفنانة هالة صدقي ضيفةً على برنامج "كلام نواعم" الذي يذاع على قناة mbc، حيث كشفت عن مكانة الرجل في حياتها، موضحةً أنها ترى الآن أن لا أهمية له طالما أنه لا يدعمها.

وقالت هالة: "ولا ليه لازمة لو هو إيجابي وناجح معايا في حياتي أهلاً وسهلاً، لو هو سلبي وبيأذيني مع ألف سلامة، ودي مسألة حظوظ الحكاية إنتي وحظك ممكن يبقى في راجل عظيم وأول ما يلاقيكي بتنجحي وبتنوري بتلاقي الشخصية اتغيرت".

كما تحدثت عن حياتها وأصدقائها فقالت إنها أصبحت اليوم تفضّل العزلة ولا تُدخل أصدقاء جدداً في حياتها.

وأضافت: "مؤخراً بقى عندي عزلة مش حابة الناس أوي ومش عايزة أتعرف على حد جديد أنا عندي كام صاحبة حلوين الحمد لله أوي ومش عايزة أكتر من دول اكتفيت لأن مخزون التسامح اللي عندي خلص فعشان مخسرش ناس تانية ومتضايقش

وعن أقرب أصدقائها إليها، قالت هالة صدقي: "إلهام شاهين هي اللي ببقى صريحة معاها من غير رتوش مرزبة وبتستحملني، وليلى علوي ويسرا".

كما تطرقت هالة صدقي الى الحديث عن الصداقة بين المرأة والرجل قائلةً: "عندي أصدقاء رجالة قريبين جداً مني وشايفة إن صداقة الرجل الى حد كبير بتبقى مفيدة".

وتحدثت هالة صدقي عن تعاونها مع المخرج محمد سامي وإعجابها الكبير به، كما كشفت سراً عن علاقتهما، حيث قالت: "محمد سامي كان بالنسبة لي هدف، كنت لما بشوف أفلام يوسف شاهين أقول أنا شبه الكاركتر بتاعته أنا إزاي مشتغلتش معاه، محمد سامي نفس الحكاية أنا متابعاه بدقة وقلت أنا نفسي أشتغل معاه مع أن هو كان جاري وبيطلع وينزل معايا في الأسانسير ومعرفش إن ده محمد سامي".

وأكملت هالة صدقي: "هو بني آدم موهوب ولما بيلاقي حد مصحصح معاه ومركز معاه هو نفسه بيبقى في السما وبياخدك ونطلع السما إحنا اندمجنا جداً مع بعض وبعشقه على المستوى الشخصي والفني بحبه أن هو بيحب شغله ومتمكن منه وكل حواسه مركزة في الشغل".

وكشفت هالة صدقي خلال اللقاء عن الاختلافات التي تشعر بها في الوسط الفني بين فترة الثمانينيات التي دخلت خلالها عالم الفن واليوم إذ قالت: "في الثمانينيات كنا بنحب شغلنا وكان في تدقيق بنعمل بروفات ترابيزة وبتتعرفي مين النجوم اللي معاكي وبنعمل بروفات كتيرة بندخل نصور وبنكون جاهزين، دلوقتي بندخل المسلسل أو الفيلم أنا معرفش مين البطل اللي قدامي معملتش معاه بروفة معرفش طريقة تمثيلة وأدائه إزاي فتقابل الناس في الاستديو أول مرة، زمان في كاتب ليه أسلوبه في الحوار، دلوقتي الورش لما آجي اقرأ ألاقي دا مش أسلوب اللي كاتب، وحكاية الورش مش بفضلها حاجة جديدة مفيهاش إبداع".

قد يهمك أيضــــــــــــــا

هالة صدقي توجه الشكر لـ مرتضي منصور بعد إخلاء سبيل عمر زهران

هالة صدقي توثّق حفاوة استقبالها في تونس