هالة صدقي تكشف بنات جيلي مظلومات وإيمان العاصي كانت خايفة منى

وصفت الفنانة هالة صدقي، جيلها ب "المظلوم" وأكدت أن نجاحها في تأدية دور صفصف بمسلسل جعفر العمدة، هو نجاح لكل "بنات جيلها"، مشيرة إلى أن هناك عدم اهتمام بهذا الجيل، ومحاولات لإنزالها "درجة ثانية"، ولم يحاولوا من قبل استغلال قدراته.

وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "المشكلة اللي هواجهها بعد كدة، إن كل الأدوار اللي هتجيلي بعد كدة هتبقى صفصف، ولما نجح دوري في حسن أرابيسك، جالي أدوار بعدها نفس شخصية توحيدة في المسلسل، وأنا كنت برفض، أنا كنت خايفة على نجاح توحيدة، وصممت أبعد عن الشعبي".

وقالت: "في تشابه كبير بيني وبين صفصف، أنا شعنونة، بس الناس بتفهمني غلط، أنا مش بعرف أزوق الكلام، والقريبين مني أوي فاهمين ده أوي، اللي عارفني فاهم ده، واللي مش عارفني كويس هيتخض".

أشارت هالة صدقي، إلى إن السبب الرئيسي في نجاح مسلسل جعفر العمدة، يرجع إلى مخرج وكاتب العمل محمد سامي، وردا على سؤال حول كيفية حصولها على دور "صفصف"، قالت: محمد سامي كلمني في الصيف، وقالي يا هالة أنا قاعد بفكر في شخصية ومش شايف حد فيها غيرك أنتي، قالي هو دور لواحدة ست أم لاتنين كبار في السن، قولتله أنا مش عندي مشكلة قبل كدة، وممكن نعمل ده بالميكب والإضاءة، رديت على محمد سامي قولتله أنا موافقة يلا نشتغل".

وقالت: "الإضاءة لعبت دور مهم جدا في تغيير ملامح صفصف، كان في ضبط بين الميكب والإضاءة، علشان منحسش أنه ميكب بجد، هو تأكيد على الملامح والخطوط اللي في الوش".

وتابعت: "وأنا بقرأ الاسكريبت كنت حاسة إن الدور مش هو اللي أنا عاوزاه، اللي مكتوب على الورق حاجة، والتنفيذ حاجة، سألني محمد سامي، بتثقي فيا ولا لا، قولتله بثق فيك، هو عنده بعد نظر، وكان طول التصوير يقولي أنتي مش عارفة صفصف دي هتعمل إيه مع الناس".

وأضافت: لو رجع بيا الزمن 20 سنة لورا هختار دور وداد لأنه دور عظيم وفيه طلوع ونزول وفي تمثيل ده أكتر دور عجبني في المسلسل.

وتابعت: كان هناك غيرة بسيطة بين البطلات ولكن كان هناك حالة حب تجمعهن في الكواليس.

وأوضحت: أنا كنت صاحبتهم وكنا بنتواصل سوا ولازلنا على تواصل والكلام دا بيتحس على الشاشة.

وتحدثت هالة صدقي عن المشاهد التي جمعتها بالفنانة إيمان العاصي وقالت: إيمان كانت بتتخض مني في المشاهد اللي جمعتنا لما كنت بشتمها علشان مكنتش تعرفني في الأول ولما اتصاحبنا مبقتش خايفة مني وجوري بكر كانت خايفة مني.

أبطال مسلسل جعفر العمدة
مسلسل جعفر العمدة بطولة محمد رمضان، زينة، هالة صدقي، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جورى بكر، طارق النهرى، أحمد عبد الله، إحسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر برعاية المتحدة للخدمات الإعلامية.

قد يهمك أيضــــــــــــــــًا :

هالة صدقي تصرح أن شخصيتها في مسلسل "جعفر العمدة" تمثل عمود البيت

هالة صدقي تُصرح استفدت من شعبية محمد رمضان