الكوميدي أسامة رمزي يوجّه رسالة مؤثرة جدًا إلى جمهوه

تفاصيل مؤثرة جدا، تلك التي كشف عنها صانع "البسمة" الكوميدي "أسامة رمزي" الذي أكد أنه يمر بأزمة نفسية حادة، قرر على إثرها أن يتقاسمها مع محبيه، في محاولة للتخفيف من حدتها.رمزي تطرق لهذا المشكل النفسي الذي يمر به، من خلال تدوينة نشرها عبر صفحته الرسمية على الفيسبوك، جاء فيها: "بغيت نشارك معكم واحد القضية و سمحولي غا نخوي شوية حيت يمكن كاين اللي عايش نفس الحاجة هادي أكثر من شهر و نصف تقريبا"، قبل أن يتابع: "انا عندي مشكل فالتنفس، ما كنقدرش ناخد النفس كامل و كنحس بصدري مزير عليا ومخنوق، وفاش كنبغي نتنفس كانحس براسي غادي نتخنق، وبالتالي قلبي كيبدا يضرب بجهد والوسواس مرضني فصحتي فوق ما ممكن تتصور، وديال بصح أثر عليا لا فالنعاس اللي ديال بصح ما بقيتش كنعرفو لا فالدوايات اللي كينفخوني عاد زيد عليها الأعصاب والتوتر".

 وتابع "رمزي" تدوينته قائلا: "المشكلة بزاف ديال الاطباء قالو ليا هادشي اللي عندك هو حالة قلق نفسي والتفكير السلبي كيوصلك لتوتر العضلات، المشكلة الكبيرة أنني واعي بزاف بهدشي ولكن هدشي مسيطر عليا فوق القياس لمجموعة من الأسباب ماشي ضروري نشاركها هنا"، قبل أن يؤكد: "الفكرة اللي بغيت نوصل ليكم هي ما تستهنوش بنفسيتهم كيفما ما تستهنوش باللي نفسيتو محطمة و حاولو تلقاو اللي يرفه عليكم، واكتشفو حوايج جداد فيكم".

 وختم الكوميدي الشاب تدوينته بتوجيه رسالة مؤثرة جدا: "المرحلة اللي وصلت ليها كانطلب ربي ما يوصل ليها حتى شي واحد، وعارف عندي القدرة والقوة ندوز هادشي إن شاء الله، دعواتكم معايا و صافي وردوا البال لراسكم يمكن هادشي اللي خويت ينفسني شوية ولكن بغيت نشاركم هادشي غير باش نقول ليكم النفسية مهمة بزاف فالحياة".

وقد يهمك ايضا:

الكوميدي المغربي أسامة رمزي يوجه رسالة "مؤثرة" جداً إلى جمهوره

أسامة رمزي يقدم شهادة مجروحة في حق أستاذه الفذ بعد استهداف طوندونس