سميرة سعيد تكشف تعرضها للتنمر بسبب والدتها

أسرار كثيرة كشفتها الفنانة المغربية، سميرة سعيد، أثناء حلولها ضيفة على برنامج “السيرة” مع الإعلامية، وفاء الكيلاني، والذي يعرض على قناة Dmc، أهمها الأحداث التي عاشتها في طفولتها، من بينها تعرضها للضرب.وصرحت الديفا، سميرة سعيد قائلة بخصوص هذا الأمر: “كنت قاعدة في الفصل وعمالة أشخبط في ورقة قدامي، وفجأة المدرس قالى إيه ده وضربني قلم على وشي، وراني النجوم زي ما بنشوف في الكرتون”.وأضافت سميرة سعيد: “طبعا أول ما دخلت على الباب والدتي شافت وشي وحكتلها اللي حصل وراحت المدرسة وقالت للمدرس لو عملت تاني كدة أنا هعمل تصرف مش هايعجبك، وعشان والدتي كانت لابسة بنطلون بقى، وشعرها كاريه أخدت تريقة من العيال وكانوا بيتنمروا عليا، ولما روحت قلت لوالدتي إنتى كسفتيني ومتجيش تاني المدرسة وانا مش هاحكيلك أي حاجة تانى تحصلي”.وتابعت: “ثاني موقف اتعرض فيه للضرب، وقت ما اتاخرت على مرواحي من المدرسة للبيت، واتصلت بيها قلتلها أنا وصاحبتي قاعدين في الفندق بنشرب حاجة، وقالتلي تعالي دلوقتي، واخدت الموتوسيكل وصاحبتي ورايا وروحت على البيت، ومسكتني من شعري وقالتلي لو اتاخرت تاني مش هايبقى في غناء ولا أي حاجة”.

قد يهمك ايضا

سميرة سعيد توجة رسالة لجمهورها في عيد ميلاها الـ63

النجمة المغربية سميرة سعيد مشوار مليئ بالانجازات والجوائز