سوشي كيوي

المكونات
    2 كوب لبن جوزالهند
    نص كوب مية
    نص كوب ارز
    5 ملعقة كبيرة سكر
    1 عود فانيليا بالحبوب
    2 كيوى مقشر ومقطع
    4 قطعة اناناس
    1,5 كوب جوز الهند مقشر و محمص
طريقة عمل سوشى كيوى
    فى كاسارولة متوسطة الحجم تخلطى لبن جوزالهند مع المية والسكر والارز، وعود الفانيليا بحباته.
    وتحطيها على نار متوسطة، لغاية ما يغلى.
    اول مايغلى تهدى النار خالص، وتسبيه لمدة نص ساعة. مع التقليب المستمر لغاية ما الارز يستوى وكل السوائل اللى فى الكاسارولة تتشرب.
    بعد كده تطلعى عود الفانيليا من الكاسارولة، وتصفى باقى الكاسارولة.
    وعلى رخامة المطبخ، تفردى كيس بلاستيك نظيف كبير، وتفردى عليه الارز بشكل مستطيل، وداخل المستطيل توزعى الكيوى والاناناس.
    بعد كده تبتدى تلفى البلاستيك على شكل اسطوانى (رول) مع الضغط المستمر عليه علشان الفاكهة تفضل داخل الارز. وتقفلى الجانبين وتدخلي الرول ده فى التلاجة لمدة ساعتين.
    بعد الساعتين تخرجيه من التلاجة، وتقطعى الجانبين، وتشيلى البلاستيك، وترشى على الارز جوز الهند المحمص ،وتبتدى تقطعى الرول شرايح دائرية.
    يقدم مع فاكهة، وبالهنا والشفا...